4-ամյա Ինեսան ունի մեր շտապ աջակցության կարիքը։ Այս գեղեցիկ աղջնակը դեռ ատամի ծկթման շրջանում ունեցել է անհանգստություն, թուլություն և անընդհատ քնելու ցանկություն։ Հենց այս գանգատներով տեղափոխվել է Սուրբ Մարիամ Աստվածածին հիվանդանոց, որտեղ երեխայի մոտ հայտնաբերվել է անևրիզմա՝ արյան անոթի պատի անոմալ ուռուցիկություն։

Անևրիզմայի ամենասարսափելի բարդությունը նրա պատռվելն է՝ զանգվածային ներքին արյունահոսության հետագա զարգացմամբ։ Նման հիվանդները ծանր շոկային վիճակում հայտնվում են հիվանդանոցում։

Այս ամբողջ ընթացքում երեխան հիվանդության համար հատուկ բուժում չի ստացել, քանի որ անհրաժեշտ վիրահատությունը նրա տարիքի երեխաների համար չի իրականացվում Հայաստանում, իսկ արտասահմանում այն իրականացնելը բավականին թանկ արժե։ Սակայն միասին մենք կարող ենք ապահովել Ինեսային անհրաժեշտ վիրահատությամբ, որը տեղի է ունենալու Գերմանիայում։

Ինեսայի պապիկն ասում է, որ նա չափազանց խելացի երեխա է, շատ ընդունակ, սիրում է խաղալ ինտելեկտուալ խաղեր, նկարում է, երգում, պարում, արտասանում, հասկանում և խոսում է ռուսերեն, հավաքում է փազլներ և կոնստրուկտորներ։

Նվիրաբերելով այսօր՝ դուք կկարողանաք ապահովել Ինեսային նրա կյանքը փրկող վիրահատությամբ և փրկել այս աղջնակի կյանքը։