Ծանոթացեք՝ 14-ամյա Վարդանն է։ Նրա մոտ առկա է ողնաշարի 3-րդ աստիճանի սկոլիոզ, ինչն առաջացնում է բազմաթիվ դժվարություններ պատանու համար և վտանգի է դնում թե նրա առողջությունը, թե կյանքի որակը։ Առանց անհրաժեշտ միջամտությունների, սկոլիոզի աստիճանը կարող է մեծանալ և առաջացնել հենաշարժողական շատ լուրջ խնդիրներ։

Հաշմանդամության փաստի առջև չկանգնելու նպատակով, մինչ ցուցված վիրահատությանը հասնելը (մետաղյա կոնստրուկցիայի իմպլանտացիայով, Սանկտ Պետերբուրգի Տուռնեռի անվան ազգային բժշկական ինստիտուտում), որոշում է կայացվել վերահսկել վիճակը կորսետի կիրառման, շնչառական մարմնամարզության և ինտենսիվ ֆիզիոթերապիայի միջոցով։ Այս ամենը հոգալն արդեն իսկ բավականին մեծ ֆինանսական բեռ է Վարդանի ընտանիքի համար, քանի որ տղայի վիճակը վերահսկվելու է Ս. Պետերբուրգում։ Անհրաժեշտ է պարբերաբար իրականացնել կորսետի կոռեկցիա և լինել մասնագիտական վերահսկողության տակ։

Այսօր՝ դուք կարող եք կանգնել մեր խելացի Վարդանի և նրա առաքինի, օրինակելի ընտանիքի կողքին։ Նրանք անում են ամեն ինչ նրա առողջական վիճակը բարելավելու և հետագա բարդությունները կանխելու համար։ Միասին դա անելն ավելի հեշտ կլինի։

Նվիրաբերեք այսօր և կանգնեք նրանց կողքին։
Մենք իրականացնում ենք մեր բարեգործական դրամահավաքը՝ համագործակցելով IMAST հավելվածի հետ. https://m.imast.am/PfkZ/HFG