Վարդանի մոտ առկա է ողնաշարի 3-րդ աստիճանի սկոլիոզ, որը պատանու համար առաջացնում է բազմաթիվ դժվարություններ և վտանգի տակ է դնում թե՛ նրա առողջությունը, թե՛ կյանքի որակը։ Առանց անհրաժեշտ միջամտությունների՝ սկոլիոզի աստիճանը կարող է խորանալ և առաջացնել հենաշարժողական լուրջ խնդիրներ։

Մինչև ցուցված վիրահատությանը հասնելը՝ որոշվել է վերահսկել Վարդանի վիճակը կորսետի կիրառման, շնչառական մարմնամարզության և ինտենսիվ ֆիզիոթերապիայի միջոցով։ Վարդանը արդեն մեկ անգամ, ձեր օգնությամբ, ստացել է կորսետի կոռեկցիա և կրում է այն՝ իր վիճակը կայուն պահելու նպատակով։ Այժմ նա կրկին պետք է մեկնի նույն նպատակով՝ հերթական կոռեկցիան ստանալու և մասնագիտական վերահսկողությունը շարունակելու համար։

Այս բուժումը կարևոր քայլ է՝ հետագա բարդությունները կանխելու և հնարավորինս հետաձգելու կամ ճիշտ հասնելու համար ապագայում նախատեսվող վիրահատությանը՝ մետաղական կոնստրուկցիայի իմպլանտացիայով, Սանկտ Պետերբուրգի Տուռնեռի անվան ազգային բժշկական ինստիտուտում։ Սակայն կորսետի պարբերական կոռեկցիան, բուժումն ու վերահսկողությունը Վարդանի ընտանիքի համար արդեն իսկ մեծ ֆինանսական բեռ են դարձել։

Այսօր դուք կարող եք կրկին կանգնել խելացի Վարդանի և նրա ընտանիքի կողքին։
Ձեր աջակցությունը կօգնի շարունակել անհրաժեշտ բուժումը և կանխել նոր բարդությունները։
Մենք իրականացնում ենք մեր բարեգործական դրամահավաքը՝ համագործակցելով IMAST հավելվածի հետ. https://m.imast.am/PfkZ/HFG