3-ամյա Նարեկն ունի շտապ վիրահատության կարիք։ Այս ամռանը Նարեկը ստացել է 3-րդ կարգի այրվածքներ կերակրափողում, ենթաստամոքսային գեղձում և ստամոքսում։ Մուրացան հիվանդանոցում, իսկ հետո արդեն Սուրբ Աստվածամայր ԲԿ համապատասխան բուժումը ստանալուց հետո, փոքրիկի մոտ չի գրանցվել ցանկալի արդյունքը, և բժիշկ Դ. Դալլաքյանի ցուցումով Նարեկը պետք է անցնի նրա կյանքի համար կենսական վիրահատության միջով՝ դեկտեմբերի 14-ին, հատուկ Մոսկվայից ժամանած պրոֆեսոր Ա. Ռազումովսկիի մասնակցությամբ։

Վիրահատության մոտավոր արժեքը կազմում է 1 մլն դրամ, որը այս երեխայի կյանքը փրկելու դիմաց չնչին գումար է։

Այրվածքների պատճառով երեխան չի կարողանում ստանալ անհրաժեշտ սնունդը, ինչը հետագայում կարող է հանգեցնել անդառնալի հետևանքների։

Ձեր յուրաքանչյուր նվիրաբերությունն այսօր չափազանց կարևոր է։