9-ամյա Ռոբերտը ընտանիքի առաջնեկն է։ Ծնվելուց անմիջապես հետո նրա մոտ ախտորոշվել է մանկական ուղեղային կաթված (ՄՈւԿ)։ Մինչև 2020 թ․ Արցախյան պատերազմը Ռոբերտը կանոնավոր ստացել է անհրաժեշտ թերապիաները։ Պատերազմից հետո փոքրիկն ու իր ընտանիքը տեղահանվել են Քարվաճառից, 9 ամիս պայքարել են բլոկադայի դեմ, իսկ հիմա նրանք ապրում են Աբովյան քաղաքում՝ վարձակալած բնակարանում։

Ռոբերտի համար դժվար է արտահայտել իր կարիքներն ու ցանկությունները․ նրա հետ ընտանիքի անդամները հաղորդակցվում են ժեստերի միջոցով, սակայն դա բազմակի անգամ սահմանափակում է նրանց շփումը, իսկ ընտանիքից դուրս երեխան չի խոսել որևէ մեկի հետ։ Սա լուրջ խոչընդոտ է նրա սոցիալականացման, ուսման և առօրյա գործունեության համար։

Լոգոպեդը, գնահատելով երեխայի կարողությունները, փորձարկել է այլընտրանքային հաղորդակցման տեխնիկայից՝ Tobii համակարգը, և հասկացել, որ երեխան այս սարքի միջոցով հնարավորություն կունենա հաղորդակցվել՝ օգտագործելով իր հայացքը՝ առանց ֆիզիկական ջանքերի։

Այն թույլ կտա նրան՝
✅ Ճշգրիտ արտահայտել իր ցանկություններն ու կարիքները,
✅ Զարգացնել մտավոր կարողությունները,
✅ Հետագայում ձեռք բերել ինքնուրույնություն՝ շփման, ուսման և խաղի մեջ,
✅ Ներգրավվել դասապրոցեսներում և լիարժեք օգտվել կրթական ռեսուրսներից։

Այս համակարգը ոչ միայն կբարելավի երեխայի կյանքի որակը, այլև կօգնի ծնողներին և մասնագետներին ավելի լավ հասկանալ նրա մտքերն ու զգացմունքները։ Այն կարևոր ներդրում է, որը կբացի նոր հնարավորություններ նրա համար։

Ձեր նվիրաբերությունն այսօր կօգնի մեզ ձեռք բերել ավելի քան 7,000 դոլար արժողությամբ սարքը, որը Ռոբերտին հնարավորություն կտա հաղորդակցվել, սոցիալիզացվել և զարգանալ։