Ասլանը ծնվել է հղիության 34-րդ շաբաթում՝ 2.4 կգ քաշով, և ծննդից անմիջապես հետո երեխայի մոտ առաջացել է թթվածնային քաղց, որից հետո շտապ տեղափոխվել է «Մուրացան» հիվանդանոց և ստացել 13-օրյա բուժում։ Սակայն նրա առողջական խնդիրները նորից ի հայտ եկան ամիսներ անց։

Ասլանն այսօր 1 տարեկան և 1 ամսական է։ Սիրում է խաղալ քույրիկների հետ, երգել, սակայն նա ֆիզիկապես դեռ շատ թույլ է։

Ձեր աջակցությամբ նա անցավ գենետիկ հետազոտություն, որն օգնել է բժիշկներին գնահատել երեխայի վիճակն ու նշանակել համապատասխան բուժումը։

Հիմա Ասլանը ստանում է վերականգնողական թերապիաներ՝ զարգացման հապաղման պատճառով առաջացած խնդիրները չեզոքացնելու համար։ Նա արդեն կարողանում է նստել, սակայն ծամել դեռ չի ստացվում։

Նրա ծնողներն անում են ամեն ինչ երեխայի համար առողջ մանկություն ստեղծելու համար, և նրանք ունեն մեր աջակցության կարիքը՝ տակդիրներ և արհեստական կեր ձեռք բերելու համար։

Նվիրաբերելով այսօր՝ դուք աջակցության ձեռք կմեկնեք Ասլանին և նրա ընտանիքին։

Մենք իրականացնում ենք մեր բարեգործական դրամահավաքը՝ համագործակցելով IMAST հավելվածի հետ. https://m.imast.am/PfkZ/HFG