Ծանոթացեք 10-ամյա Կամիլային՝ խելացի, կենսուրախ ու մեծ երազանքներ ունեցող փոքրիկ աղջկան, ով շատ է սիրում ֆուտբոլ։ Ֆուտբոլը նրան ուժ է տալիս, երջանկացնում և օգնում չհանձնվել նույնիսկ ամենադժվար օրերին։

Կամիլայի մոտ ախտորոշվել է ախոնդրոպլազիա՝ հազվագյուտ գենետիկ հիվանդություն, որի դեպքում ոսկրային կառուցվածքը զարգանում է անհամաչափ, և երեխայի աճին զուգահեռ վերջույթների աճը դանդաղում է։ Այս հիվանդությունը կարող է ոչ միայն սահմանափակել երեխայի շարժունակությունը, այլև ազդեցություն ունենալ նրա հոգեբանական վիճակի վրա՝ մանկությունը դարձնելով ավելի բարդ ու ցավոտ։

Չնայած իր տարիքին՝ Կամիլան արդեն անցել է դժվար ճանապարհի միջով։ Նա տարել է երկու վիրահատություն, որից մեկը ձեր աջակցության շնորհիվ։

Այժմ Կամիլային սպասվում է ևս մեկ կարևոր վիրահատություն՝ ազդրերի երկարացում։ Սա նրա բուժման հաջորդ, շատ կարևոր փուլն է, որը կարող է մեծ նշանակություն ունենալ Կամիլայի ապագայի, շարժունակության և կյանքի որակի համար։ Բայց այս ճանապարհը միայնակ հաղթահարել նա չի կարող։

Կամիլայի ամենամեծ երազանքը միայն դա չէ։ Նա ուզում է դառնալ բժիշկ-գինեկոլոգ։ Ուզում է մի օր օգնել, որ երեխաները լույս աշխարհ գան առողջ, և ոչ մի փոքրիկ չանցնի այն ցավի ու դժվարության միջով, որ ինքն է զգացել։

Չնայած իր փոքր տարիքին՝ Կամիլան արդեն գիտի, թե որքան մեծ ուժ ունեն հավատը, բարությունը և մարդկային աջակցությունը։
Դարձե՛ք Կամիլայի աջակիցը։ Ձեր նվիրատվությունը կարող է օգնել նրան շարունակել բուժումը, ավելի ազատ շարժվել և ավելի վստահ քայլել դեպի իր ապագան։

Մենք իրականացնում ենք մեր բարեգործական դրամահավաքը՝ համագործակցելով IMAST հավելվածի հետ. https://m.imast.am/PfkZ/HFG