Պատմություն

Մենք պատասխանատվություն ենք կրում մեր շահառուների համար, ովքեր դիմել են մեզ նույնիսկ ռազմական գործողությունների սկսվելուց առաջ, և մենք չենք կարող նրանց թողնել ճակատագրին: Խնդրում ենք, հասկացեք և աջակցեք։

Թույլ տվեք Ձեզ ներկայացնել Անուշիկին, ով բնակվում է Երևանում։ Հարցին. «Եթե քո ձեռքերում կախարդական փայտիկ ունենայիր, ի՞նչ կանեի», տասնհինգամյա Անուշիկը պատասխանեց. «Բոլոր հիվանդ երեխաներին կբուժեի, կօգնեի առողջանալ»:

Նա երազում է դրա մասին, քանի որ իր կարճատև կյանքի ընթացքում բավականին ժամանակ է անցկացրել հիվանդանոցներում: Անուշիկն ունի ողնաշարի զարգացման բնածին արատ։ Սակայն այս վիճակի հազվադեպ լինելու պատճառով նրա մոտ միայն 3 տարեկանում ախտորոշվել է «Սպինա բիֆիդա», 7 տարեկանում նա վիրահատվել է Հայաստանում, սակայն ցանկալի արդյունքների չեն հասել։
Չնայած առողջական խնդիրներին՝ Անուշիկը առօրյա կյանքում լիովին ինքնուրույն է և ձգտում է ապրել լիարժեք կյանքով:

Սակայն իրավիճակը այժմ կրիտիկական է. ցանկացած պահի նրա ստորին վերջույթների կաթված կարող է առաջանալ, որը նրան կգամի անվասայլակին, և նրա կենսական օրգանները կարող են դադարել նորմալ գործել:
Անուշիկին այս վտանգավոր բարդություններից փրկելու միակ միջոցը վիրահատությունն է, որը նախատեսվում է կատարել Մոսկվայում՝ Մորոզովի անվան մանկական հիվանդանոցում։ Նրանք դուրս են գրել 806,298,00 ռուբլու հաշիվ, որից 200,000 ռուբլին կհոգա «Բարության տուն» հիմնադրամը։ Մնացած 606,298 ռուբլին պետք է հավաքենք միասին։