Հովհաննեսը 12 տարեկան է, ունի ՄՈՒԿ, չի կարողանում քայլել, ինքնուրույն նստել և նպատակային օգտագործել ձեռքերը։ Նրա խոսքը լղոզված է և դժվար հասկանալի։ Չնայած շարժողական սահմանափակումներին՝ Հովհաննեսը ունի բարձր մտավոր կարողություններ։

Եթե նա հնարավորություն ունենա օգտագործելու աչքի հետագծով կառավարվող սարքը՝ Tobii-ն, կկարողանա լիարժեք հաղորդակցվել, կարդալ, գրել և մասնակցել կրթական գործընթացին։ Այս տեխնոլոգիան թույլ կտա Հովհաննեսին օգտվել համակարգչի բոլոր հնարավորություններից, զարգացնել իր գիտելիքներն ու կարողությունները, ինչպես նաև ապագայում ներգրավվել աշխատաշուկայում։

Tobii հաղորդակցման սարքը բավականին թանկ արժե, և Հովհաննեսի ծնողները ի վիճակի չեն այն ձեռք բերել սեփական ուժերով։ Սակայն երեխայի կարողությունները զարգացնելը նրանց երազանքն է, և նրանք անում են ամեն ինչ՝ Հովհաննեսին վերականգնողական թերապիաներով ապահովելու համար։

Այսօր բանիմաց և աշխատասեր Հովհաննեսը սովորում է յոթերորդ դասարանում։ Նա սիրում է շփվել մարդկանց հետ, սակայն նրա շփումը սահմանափակ է։ Ձեր օգնությամբ Հովհաննեսը կկարողանա ավելի ազատորեն շփվել մարդկանց հետ, արտահայտել իր զգացմունքներն ու մտքերը Tobii սարքի միջոցով։

Կանգնեք Հովհաննեսի կողքին, նվիրաբերեք այսօր և զարգացրեք նրա հաղորդակցության ունակությունը, որը չափազանց կարևոր է ցանկացած մարդու զարգացման համար։

Մենք իրականացնում ենք մեր բարեգործական դրամահավաքը՝ համագործակցելով IMAST հավելվածի հետ. https://m.imast.am/PfkZ/HFG