Բիզնես-սեմինարներ WiZzy-ի հետ արցախցի երեխաների համար
Պատմություն
Երեխայի զարգացման կարևոր ասպեկտներից մեկը կրթությունն է, որն օգնում է ընդլայնել նրանց աշխարհայացքը և բացահայտել ինչ-որ նոր բան ոչ միայն իրենց շուրջը, այլ նաև իրենց ներսում: Ուրախ ենք տեղեկացնել, որ 10-ից 15 տարեկան արցախցի երեխաների բիզնես- դասերի կազմակերպմանն ուղղված՝ մեկնարկում է դրամահավաք:
Ցանկանում ենք ձեզ ներկայացնել ստեփանակերտցի մեր շահառուներին.
Լիա Բաբայան, 11 տարեկան, շատ ակտիվ, ուրախ, հետաքրքրասեր երեխա է: Ստեփանակերտում հաճախել է երգի, պարի խմբակներ։ Ստեփանակերտի Կոմիտասի անվան երաժշտական դպրոցի սան է: Սովորում է Անանիա Շիրակացու անվան ճեմարանում: Շատ գրքեր է ընթերցել ու ներկայացրել, արժանացել մրցանակների։ Բիզնեսի հետ կապված ամեն ինչ՝ հետաքրքրում է իրեն։
Կարեն Ադամյան, 12 տարեկան, շատ ակտիվ ու հետաքրքրասեր տղա է։ Ունի շատ նախասիրություններ։ Ստեփանակերտում 5 տարեկանից հաճախել է մենթալ թվաբանության կենտրոն։ Մեդալակիր է։ Հաճախել է նաև շախմատի դասերի։ Զբաղվել է անգամ թենիսով։ Հիմա Երևանում հաճախում է շախմատի դպրոց, արդեն 3-րդ կարգի շախմատիստ է։
Արթուր Աթայան, 14 տարեկան, խելացի է ու ընդունակ: Ստեփանակերտում սովորել է Ֆիզմաթ դպրոցում։ Նվագում է դհոլ, որն իր մոտ բավականին լավ է ստացվում, ինչպես նաև հաճախում է լողի։ Սիրում է մաթեմատիկա և ֆիզիկա առարկաները։
Ալեքսանդր Դավթյան, 11 տարեկան, ակտիվ, ընկերասեր, հետաքրքրասեր, չարաճճի երեխա է։ Շուրջ 6 տարի է զբաղվում է բասկետբոլով։ Արցախում հաճախում էր Ստեփանակերտի Կոմիտասի անվան երաժշտական դպրոց, այժմ Երևանում հաճախում է Սարաջյանի անվան երաժշտական դպրոցի «Ջութակ»-ի բաժին, այժմ սովորում է 5-րդ դասարանում։ Սիրում է երգել և արտասանել։ Արցախում հաճախում էր նաև նկարչության խմբակ:
Դասընթացների մասին.
Թիրախային լսարան՝ 10-ից 15 տարեկան 21 երեխա: Ծրագրի տևողությունը՝ 2 շաբաթ / 6 դաս:
Դասերը կանցկացվեն Էդգար Կարապետյանի ղեկավարությամբ, ով Գալաքսի Գրուպի ռազմավարության և նորարարության գծով տնօրենն է: Էդգարը նաև բիզնես խորհրդատու է և փորձագետ բիզնես ռազմավարության և թվայնացման ոլորտում, Ռուս-Հայկական (Սլավոնական) համալսարանի դասախոս և Ստենֆորդի համալսարանի առաջատար ծրագրի շրջանավարտ:
Ի՞նչ կստանա երեխան դասընթացն ավարտելուց հետո՝
- հասկանալ թվային փոխակերպման ազդեցությունը բիզնեսի վրա,
- նորարարությունների բացահայտում հաջողակ միջազգային ընկերություններում,
- թվային բիզնես մոդելների ուսումնասիրություն,
- հասկանալ սպառողների վարքագծի փոփոխությունները,
- բիզնես գործերի վերլուծություն՝ օգտագործելով այնպիսի ընկերությունների օրինակ, ինչպիսիք են՝ Amazon-ը, Spotify-ը,
Netflix-ը, Tesla-ն և Starbucks-ը:
Յուրաքանչյուր երեխայի մասնակցության համար պահանջվում է 45600 ՀՀ դրամ:
Մենք գիտակցաբար մոտենում ենք երեխաներին օգնելու ոլորտների ընտրությանը: Մենք կարող ենք ոչ միայն արժեքավոր հմտություններ հաղորդել երեխաներին, այլև օգնել նրանց հասկանալ, թե ինչպես օգտագործել այդ հմտությունները: Այս ամենը հնարավոր կլինի ձեզանից յուրաքանչյուրի հոգածության շնորհիվ։ Միասին կօգնենք արցախցի երեխաներին շարժվել դեպի կայուն և հաջողակ ապագա:
Անուն | Նվիրատվության գումարը | Ամսաթիվ |
---|---|---|
Anonymous | 25000 ₽ | May 7, 2024 7:42 pm |
Anonymous | 15000 ₽ | May 7, 2024 7:41 pm |
Anonymous | 3700 ₽ | May 7, 2024 7:39 pm |