Լաուրան սովորում է 12-րդ դասարանում գերազանց առաջադիմությամբ։ Նա իր առջև դրել է բազմաթիվ երազանքներ և նպատակներ, սակայն այսօր կանգնած է լուրջ առողջական մարտահրավերի առջև, ինչը խանգարում է նրան առաջ շարժվել և ապրել լիարժեք կյանքով։

2024 թվականին Լաուրան ախտորոշվել է ԿՆՆ արատով (ողնաշարի ցածր կպում, ողնաշարի սկոլիոտիկ դեֆորմացիա)։ Ողնաշարի շտկման, նախա- և հետվիրահատական փուլերը բավականին թանկ արժեն, հատկապես Լաուրայի ընտանիքի համար։ Նրանք գտնվում են սոցիալապես ծանր վիճակում և իրենց ամբողջ միջոցները արդեն սպառել են ընթացիկ ստուգումների, բուժումների և մի քանի տարի առաջ արված վիրահատության վրա։

Լաուրայի մոտ առկա է ողնաշարի մեծ աստիճանի թեքում, կոնքոսկրի շեղում և ոտքերի անհավասարություն։ Հիվանդությունը տարեցտարի ավելի է վատթարացնում նրա վիճակը։ Ընտանիքի ֆինանսական վիճակի պատճառով բուժման գործընթացը տարիներ շարունակ հետաձգվել է, այդ իսկ պատճառով նրանք այժմ ունեն մեր անհապաղ օգնության կարիքը։

Լաուրային անհրաժեշտ է նեյրոմոնիթորինգ, ողնաշարի ինդիվիդուալ հարմարանք/կորսետ և վիրահատություն, որի արժեքը կազմում է 5,890,000 դրամ։

Ձեր ցանկացած նվիրաբերությունն այսօր մեծ աջակցություն կլինի Լաուրայի և նրա ընտանիքի համար։