Արտյոմն ընտանիքի 5 երեխաներից միջնեկն է, սպորտի իրական սիրահար, ով երազում է դառնալ պրոֆեսիոնալ բռնցքամարտիկ։ Սակայն նրա առողջական վիճակը խոչընդոտում է Արտյոմին իրականացնել իր երազանքը։

Վերջերս ծնողները նրա մոտ նկատել են, որ Արտյոմը երկարատև ջերմում է, ինչը պարբերական բնույթ է կրում։ Բազմաթիվ հետազոտություններից և երկարատև հոսպիտալացումից հետո Արտյոմին տրվել է «Պարբերական տենդի համախտանիշ» կլինիկական ախտորոշումը։ Ներկայումս նրան ցուցված է Պարբերական տենդերի ընդլայնված գենետիկ քննություն, որն արժե 250,000 դրամ։

Արտյոմի ծնողների համար հետազոտությունը բավականին թանկ է, սակայն Արտյոմի համար այն ունի կենսական նշանակություն։ Հետազոտության արդյունքները կօգնեն բժիշկներին ճիշտ գնահատել նրա վիճակն ու սկսել բուժման կամ հիվանդության կառավարման փուլը։

Ձեր յուրաքանչյուր նվիրաբերությունը կօգնի Արտյոմին հնարավորինս շուտ ապաքինվել և սկսել իրականացնել իր երազանքները։