Հույսի թևեր

Մենք երբեք չենք իմանա, թե ինչ է կատարվում ինչ-որ մեկի հոգում, բայց մենք կարող ենք փորձել ջերմացնել այն: Փետրվարի 11-ին` Մոսկվայում, ավելի քան 500 մարդ հավաքվել էր մեկ նպատակով՝ օգնելու կարիքավորներին։ Եվ մեզ դա հաջողվեց։ Միասին մենք հավաքեցինք 640,000 ₽:

Սուրբ Սարգսի տոնի առթիվ «Շտապիր դեպի բարին» բարեգործական հիմնադրամը, «Հույսի թևեր» բարեգործական կազմակերպության հետ համատեղ, կազմակերպել էր` «Ջերմացրու բարությամբ» բարեգործական համերգը, նպատակ ունենալով աջակցել իրենց շահառուներին։ 640,000 ₽ ընդհանուր գումարը բաշխվել է հավասարապես` երկու հիմնադրամներից յուրաքանչյուրին բաժին է ընկնում 320,000 ₽: Այս կախարդական երեկոն լի էր սիրով, բարությամբ, ուրախությամբ և վառ հույզերով։ Դահլիճը լեփ-լեցուն էր մարդկանցով, ովքեր ցանկանում էին լավ ժամանակ անցկացնել և օգնել Մարիամ Հակոբյանին ապաքինվել, ինչպես նաև Արմինե Դավթյանին և իր երեխաներին բնակարանով ապահովելու համար։

Հյուրերը վայելեցին աստղերի և անսամբլների կատարումները, բոլորը զվարճացան և պարեցին: Նման ոգևորություն հազվադեպ է լինում։ Շնորհակալություն ենք հայտնում մեր կատարողներին, ինչպես նաև Ասակի ժամանցային համալիրի ղեկավարությանը` մեր միջոցառումը հյուրընկալելու համար։
Խորին շնորհակալություն ենք հայտնում մեր հյուրերին իրենց կարեկցանքի և կարիքավորներին օգնելու հարցում անգնահատելի ներդրում ունենալու համար: Մենք անհամբեր սպասում ենք Ձեզ տեսնելու մեր հետագա միջոցառումներին: