Հաշվետվություն՝ Լոռու մարզ կատարած ուղևորության մասին

2017 թ. հոկտեմբերի 11
Մենք ցանկանում ենք կիսվել ձեզ հետ մեր հերթական պատմությամբ՝ մեր ակտիվիստների հետ միասին սոցիալապես անապահով ընտանիքներ կատարած այցի մասին։

2017 թ. հոկտեմբերի 1-ին մենք այցելեցինք Լոռու մարզի Աքորի գյուղական համայնք։ Այս անգամ, սոցիալական ցանցերում տարածված գրառումների շնորհիվ, մենք հավաքեցինք 96,000 ռուբլի ( ընթացիկ դրամական արժույթով՝ ՝ 785,700 ՀՀ դրամ) և այցելեցինք 16 ընտանիք։ Հավաքված միջոցներով մենք գնեցինք և ընտանիքներին տրամադրեցինք հետևյալը․

• 4 սառնարան (344,000 ՀՀ դրամ)
• Փայտանյութ (65,000 + 40,000 ՀՀ դրամ)
• Գազի անցկացում (50,000 ՀՀդրամ) այն ընտանիքում, որը կորցրել է որդուն՝ նախորդ տարվա ապրիլյան իրադարձությունների ժամանակ
• 100 կգ ալյուր (15,900 ՀՀ դրամ)
• Դաշնամուր՝ Մշակույթի տան համար (20,000 ՀՀ դրամ)
• 36 հավ և 5 աքլոր (74,000 + 38,000 ՀՀ դրամ)

Բացի այդ, ծախսերը ներառում էին․

• 85,000 ՀՀ դրամ՝ «Գազել» մեքենայի վարձակալության համար՝ իրերը տեղափոխելու նպատակով,
• 25,000 ՀՀ դրամ՝ բեռնաթափման և բեռնման աշխատանքների համար՝ աշխատողներին վճարելու նպատակով,
• 20,000 ՀՀ դրամ՝ ակտիվիստների ավտոմեքենայի բենզինի և գազի ծախսեր։

Մնացորդային գումարը կազմեց 8,800 ՀՀ դրամ, որը մեր ակտիվիստները Հայաստանում կավելացնեն և կգնեն երաժշտական գործիք՝ այս գյուղի մի տղայի համար, ով շատ է ցանկանում նվագել սովորել։