Հույսի ճառագայթ. Միլանայի հաջողված վիրահատությունը
Մենք այսօր եկել ենք լավ նորություններով: Այս տարվա մայիսին, մարդկանց սրտերում աջակցություն գտնելու ակնկալիքով, Միլանայի ծնողները կապ հաստատեցին մեր հիմնադրամի հետ՝ աջ աչքի բնածին զոնուլյար կատարակտ ախտորոշմամբ, որի բուժման համար անհրաժեշտ էր վիրաբուժական միջամտություն:
Անհրաժեշտ էր որքան հնարավոր է շուտ սկսել բուժումը, որպեսզի բացառվեն բոլոր տեսակի բարդությունները երեխայի տեսողական համակարգի զարգացման մեջ: Բոլոր հետազոտություններից հետո որոշում կայացվեց միջամտությունն իրականացնել Դաշնային պետական բյուջետային հաստատություն Ազգային բժշկական հետազոտություն Հելմհոլցի ակնային հիվանդությունների կենտրոնում։
Միլանայի վիրահատական ծախսերը հոգացել են Եկատերինբուրգի հայ համայնքը «Անի-Արմենիա» @aniarmenia_ekb՝ հատկացնելով 50,000₽, իսկ Տիգրան Վարդանյանը՝ 30,300₽։
Այժմ վիրահատությունն ավարտվել է, իսկ Միլանան արդեն տանն է։ Սա միայն առաջին քայլն է վերականգնման ճանապարհին։ Աղջիկը ընդամենը 1 տարեկան 10 ամսական է, նա շատ զգացմունքային ու կենսուրախ երեխա է, և մենք հավատում ենք, որ նա կհաղթահարի բոլոր խոչընդոտները և կունենա պայծառ ապագա։
Աշխարհը հենվում է հոգատար, արձագանքող մարդկանց վրա, ովքեր չեն կարող անտարբեր անցնել աջակցության կարիք ունեցողների կողքով, միշտ պատրաստ են օգնել և աջակցել: