«Հայրենի՜ք, քաղցր ու անուշ» նախագիծը 100 արցախցի երեխաների համար՝ 100 ժպիտ

Մեզ մոտիվացնող քիչ բաներից մեկը դժվար ճանապարհ անցած երեխաների ժպիտներն են:
Հետո մենք հասկանում ենք, որ այն ամենը, ինչ անում ենք, իզուր չէ։

Այս անգամ թանկագին ժպիտները արցախցի երեխաների ժպիտներն էին, երեխաներ, ովքեր անցել են պատերազմի, շրջափակման, ռմբակոծությունների և ճանապարհի երկար օրերի միջով՝ փախչելով ու թողնելով մանկությունը:

Հիմա նրանք պետք է նորից տուն գտնեն, հիմա Հայաստանում, որի հետ մենք որոշեցինք ծանոթացնել նրանց։

@adventurebuscompany.am-ի հետ «Հայրենի՜ք, քաղցր ու անուշ» նախագծի շրջանակներում 100 արցախցի երեխաների համար կազմակերպվել է էքսկուրսիա՝ նրանց ծանոթացնելու Հայաստանին, նրա տեսարժան վայրերին, բնությանը և զանազան զարմանահրաշ անկյուններին։ Երեխաները եղան զարմանահրաշ Սևանավանքի տաճարում, Այրիվանքի վանքում և նավով զբոսնեցին։
Օրն ավարտվեց ջերմ ընթրիքով, ուրախ անիմատորներով, պարով ու երգով։

Երեխաները զարմացան, սիրահարվեցին ու ոգեշնչվեցին։ Նրանց իսկական էմոցիաները մնայուն տպավորություն թողեցին ողջ թիմի վրա:

Աղջիկներից մեկի խոսքով՝ վերաբնակեցումից հետո սա առաջին օրն էր, որ կարողացավ ժպտալ։

Շնորհակալություն ենք հայտնում Հայաստանում «Nuga Best» ընկերությանը՝ ի դեմս Ռուսաստանի Կենտրոնական և Հարավային շրջանների ղեկավար Արթուր Տիգրանովիչ Մղդեսյանի, ծրագրին աջակցելու համար։
Եվ շնորհակալ ենք բոլորին, ովքեր մեզ ֆինանսապես աջակցում են, քանի որ հիմնադրամի բյուջեից վճարվել է 50 տեղ։

Մենք անում ենք հնարավոր ամեն բան, որպեսզի յուրաքանչյուր երեխա ապրի մանկությունը այնպես, ինչպիսին այն պետք է լիներ:
Մենք շարունակելու ենք անել ամեն ինչ, որպեսզի յուրաքանչյուր երեխա ժպտա և զգա իրեն ինչպես տանը։