«Ջերմացնենք երեխաների սրտերը». Մարտունու շրջանի Մաճկալաշեն գյուղի մանկապարտեզ

Մարտունու շրջանի Մաճկալաշեն գյուղում վերջապես տեսանք երեխաներին ու չափից դուրս հիացանք, թե ինչպես են մեզ դիմավորել։ Աղ ու հաց, խաղեր, բանաստեղծություններ ու երգեր․ մի պահ մենք էլ մանկացանք երեխաների հետ:

Բայց ավելի ուրախացանք տեսնելով՝ որքան հայրենասեր ու ուժեղ են երեխաները, նրանց աչքերում մի ամբողջ կյանք կա։ Երբեմն դժվար է… բայց նրանք բոլորից ավելի շատ են վայելում փոքրիկ բաները և դրանից ավելի շատ՝ երազում են խաղաղ երկնքի մասին:

Շնորհակալություն ենք հայտնում մանկապարտեզի տնօրեն Անահիտ Բաբայանին և ողջ անձնակազմին։

Դե ինչ, մի փոքր հեշտացրինք նրանց կյանք՝ նվիրելով սառնարան, 2 պահարան գրքերի և խաղալիքների համար, 24 մանկական աթոռներ, խոհանոցային պարագաներ, խոհանոցի սեղան, գորգեր, չհրկիզվող պահարան և շատ ուսումնական խաղալիքներ։

Այսպիսով, ևս 21 երեխա երջանկացան։  Աշխարհը շտապում է, բարին քեզ հետ լինի:

Նոյեմբեր 19, 2021