«Կրթության հզորացում տեխնոլոգիայի միջոցով» 2

«Շտապիր դեպի բարին» բարեգործական հիմնադրամը մեծ կարևորություն է տալիս այն համագործակցություններին, որոնք կիսում են մեր արժեքները և նպատակը։ Մեր խորին շնորհակալությունն ենք հայտնում Avito-ին՝ մեզ մշտապես աջակցելու և վստահելու համար։ Այս անգամ ևս Ավիտոն մեզ նվիրաբերեց 5 MacBook համակարգիչներ։ Վերջինիս շնորհիվ կարողացանք կրկին համագործակցել «Մարզերի երեխաները մարզերում» ՀԿ-ի հետ` տրամադրելով տեխնիկաները ՀՀ Գեղարքունիքի, Սյունիքի, Արմավիրի և Լոռիի մարզերի և Երևանի երեխաներին և կրթական հաստատություններին: Շնորհակալություն ենք հայտնում «Մարզերի երեխաները մարզերում» ՀԿ՝ մեր արժեքները կիսելու, համակարգիչները ճիշտ հասցեատերերին արագ և արդյունավետ բաշխելու համար: Համակարգիչները տրամադրվել են՝

1. Վարդենիսի քոլեջ, Գեղարքունիքի մարզ․ ուսանողները կկարողանան կատարել իրենց անհատական աշխատանքները, ինչպես նաև քոլեջում կկարողանան իրականացնել աշխատանքներ՝ առանց խոչընդոտների ու ավելի ճկուն համակարգով։
2. Տաթևի միջնակարգ դպրոց, Սյունիքի մարզ․ կկարողանան իրականացնել նախագծային դասերը, կբարձրանա դասերի արդյունավետությունը։ Համակարգիչը դպրոցին կփոխանցվի հոկտեմբեր ամսվա ընթացքում:
3. Գայանե Նիկողոսյան, 17 տարեկան, Արմավիրի մարզ․ համակարգիչը ստանալուն պես Գայանեն սկսել է մասնակցել գրաֆիկ դիզայնի դասընթացների։ Համակարգչի առկայությունը օգնեց, որ Գայանեն կարողանա սկսել իր մասնագիտական ուղին։
4. Մանե Քալաշյան, 16 տարեկան, Լոռիի մարզ. Մանեն համակարգիչը ստանալուց հետո սկսել է թվային մարքեթինգի վերաբերյալ իր տեսական գիտելիքները կիրառել գործնականում, , զարգացնել տվյալ ոլորտում անհրաժեշտ հմտությունները, խորացնել գիտելիքները HTML, ծրագրավորում և AI ոլորտներում։ Համակարգչի առկայությունն օգնեց, որ կարողանա գործել իր ընտրած մասնագիտության ոլորտում։
5. Ալեքսանյան Դիանա, արցախցի է, 9-րդ դասարանի աշակերտուհի։ Դիանան հաճախում է դասընթացների ԹՈՒՄՈ ստեղծարար տեխնոլոգիաների կենտրոն, ու համակարգչի առկայությունը օգնել է, որ կարողանա իր տաղանդը ամբողջությամբ կյանքի կոչել։

Այս նախաձեռնությունը՝ «Կրթության հզորացում տեխնոլոգիայի միջոցով», էական դեր է խաղում ուսանողներին անհրաժեշտ գործիքներով ապահովելու հարցում՝ օգնելով նրանց գերազանցել իրենց կրթական ուղիներում, ձեռք բերել նոր հմտություններ և հասնել ավելի պայծառ ապագայի:
Նախաձեռնության առաջին փուլին կարող եք ծանոթանալ այստեղ։