Հումանիտար աջակցություն․ հագուստի հավաքման արդյունքները և ուղարկման գործընթացը

Վեց ամիս շարունակ մեր թիմը հագուստ և կոշիկ էր հավաքում Հայաստանի տարբեր բնակավայրերում ապրող սոցիալապես անապահով ընտանիքների համար։ Ապրանքները անվտանգ տեսակավորվել, փաթեթավորվել, փոխադրվել և բեռնատարով ուղարկվել են Հայաստան։ Բեռի քաշը կազմել է 581 կգ։

Եվ այսպես, ուրբաթ օրը՝ հունիսի 16-ին, բեռը հասցվեց Հայաստան և շատ շուտով իրերը կդասավորվեն և կփոխանցվեն անապահով ընտանիքներին։ Իսկ հուլիսի 18-ին տղաները կգնան հայաստանյան գյուղական համայնքներ՝ կարիքավոր ընտանիքներին դրամական օգնություն ցույց տալու նպատակով։ Յուրաքանչյուր ուղևորությունից առաջ հիմնադրամի կամավորները մեծ աշխատանք են կատարում՝ ուշադիր ստուգելով և պատրաստելով տեղեկատվություն յուրաքանչյուր ցածր եկամուտ ունեցող ընտանիքի մասին: Այդ իսկ պատճառով մենք 100%-ով վստահ ենք, որ մեր ուղարկված բոլոր իրերը հասնում են կարիքավորներին:

Սիրելի՛ բաժանորդներ, մեր խորին շնորհակալությունն ենք հայտնում առաջին հերթին ձեզ բարության և վստահության համար։ Հավաքագրման հետ կապված յուրաքանչյուր նոր գրառումից հետո՝ մենք հսկայական քանակությամբ հաղորդագրություններ էինք ստանում, որոնց բովանդակությունը հիմնականում այն մասին էր, թե ինչպես կարող էին փոխանցել աջակցություն։ Ձեր շնորհիվ մենք հավաքել ենք հսկայական քանակությամբ լավ հագուստ և անհրաժեշտ իրեր, որոնք անպայմանորեն ինչ-որ մեկին կօգնեն։