Կրթության հզորացում տեխնոլոգիայի միջոցով

«Շտապիր դեպի բարին» բարեգործական հիմնադրամը շարունակաբար ձգտում է ապահովել արդյունավետ գործընկերային կապերի զարգացում։ Այս անգամփոխանցել ենք 5 MacBook նոթբուքներ՝ հիմնված կարիքների գնահատման վրա։

• Առաջին կանգառը Ստեփանավանի թիվ 6 միջնակարգ դպրոցն էր։ Դպրոցին նվիրեցինք մեկ MacBook համակարգիչ և գրենական պիտույքներ։ Այս նվիրատվությունը կարևոր է, քանի որ դպրոցի հին համակարգչային տեխնիկան թույլ չէր տալիս ինտերակտիվ դասեր, միջոցառումներ և պրեզենտացիաներ իրականացնել։ Այս աջակցության շնորհիվ՝ աշակերտներն այժմ հնարավորություն ունեն համակարգչային աշխատանքներ կատարել դպրոցում։
• Հաջորդը Վարդենիսի Մշակույթի պալատն էր։ Մշակույթի պալատի մի քանի սարքավորումների օգտագործումը հնարավոր չէր իրականացնել համակարգչի բացակայության պատճառով։ Այժմ Վարդենիսի համայնքային միջոցառումները կանցնեն առանց տեխնիկական խափանումների։
• Կրթական տարբեր դժվարությունների հաղթահարման և իրենց սեփական նախագծերը իրականացնելու համար նվիրեցինք երեք համակարգիչ ՄԵՄ Առաջնորդական դպրոցին, որոնք կօգնեն աշակերտներին զարգացնել իրենց հմտությունները և կյանքի կոչել նոր գաղափարներ։

Մենք մեծ սիրով շնորհակալություն ենք հայտնում՝ այս նախաձեռնություններում մեր արժեքները կիսելու և աջակցելու հնարավորության համար։ Միասին կարող ենք թողնել դրական ազդեցություն մեր համայնքներում։ Շնորհակալություն մեր գործընկեր կազմակերպությանը՝ Ավիտոյին, համակարգիչների տրամադրման, շարունակական աջակցության և վստահության համար։