Յուրահատուկ Գարուն

«Спеши к добру» բարեգործական հիմնադրամը մեկնարկում է «Յուրահատուկ Գարուն» բարեգործական ծրագրի սկիզբը և հրավիրում է ապրիլի 23-ին՝ ժամը 14։00-ին Հովհաննես Թումանյանի «Անբան Հուռին» հեքիաթի մոտիվներով «Հենց Էն Հուռին» ներկայացմանը։

Ներկայացման արդյունքում հավաքված ամբողջ հասույթն ուղղվելու է «ԱՐԵՎ-ԵՐԵԽԱՆԵՐ» երեխաների առողջության և զարգացման կենտրոնին և «Քայլ առաջ» վերականգնողական կենտրոնին առաջնային կարիքների հոգման համար։ Տոմսերը կարող եք ձեռք բերել` tomsarkgh.am։Տոմսերի արժեքը՝ 800-1600 դրամ:Միացի՛ր մեզ, վայելի՛ր ներկայացումը և քո ներդրումն ունեցիր այս կենտրոնների անգնահատելի գործունեության պահպանման մեջ։
«Յուրահատուկ Գարուն» բարեգործական ծրագիրը նախատեսված է «արևի» ու «անձրևի» հատուկ երեխաների համար։ «Անձրևի երեխաներ» բանաստեղծական արտահատության ետևում թաքնվում են աուտիզմ ախտորոշմանն առնչվող մարդկանց ամենօրյա սխրանքները, իսկ «արևի երեխաներ» արտահայտության ետևում՝ այն մադկանց սխրանքները, ովքեր առնչվում են Դաունի համախտանիշի հետ։ Խոսքը այն երեխաների մասին է, որոնք երբեք իրենց չեն կարող ընդունել որպես շրջապատող աշխարհի մի մասնիկ և այն ծնողների՝ որոնց համար յուրաքանչյուր օրը պայքարի և հաղթանակների շղթա է։