Օգնե՛նք Վալերին անցնել անհրաժեշտ վերականգնողական բուժումը
Վալերը 14 տարեկան է։ Նա ունի մանկական ուղեղային կաթված, զարգացման հապաղում, չի խոսում և ֆիզիկապես թույլ է։ Նրա առողջական վիճակը պահանջում է շարունակական մասնագիտական աջակցություն և վերականգնողական բուժում։
Վալերն ընտանիքի հետ բռնի տեղահանվել է Արցախից։ Այսօր նրա մայրիկը, հինգ անչափահաս երեխաների խնամքին զուգահեռ, անում է հնարավոր ամեն բան որդու առողջական վիճակը բարելավելու համար։ Վալերը պարբերաբար անցնում է հետազոտություններ, իսկ բժիշկների նշանակմամբ՝ վերականգնողական բուժման կուրսեր Կոշի և Ջերմուկի կենտրոններում։
Այժմ նրան անհրաժեշտ է հերթական ստացիոնար վերականգնողական բուժումը։ Այն կօգնի պահպանել և զարգացնել Վալերի ֆիզիկական կարողությունները, բարելավել նրա ընդհանուր վիճակն ու հնարավորինս թեթևացնել առօրյա դժվարությունները։
Բազմազավակ ընտանիքի համար բուժման ծախսերն ինքնուրույն հոգալը մեծ բեռ է։ Վալերի մայրիկը շարունակում է համառորեն պայքարել որդու առողջության համար, սակայն այս փուլում նրան անհրաժեշտ է նաև մեր աջակցությունը։
Օգնե՛նք Վալերին անցնել անհրաժեշտ վերականգնողական բուժումը և շարունակել իր զարգացման ճանապարհը։
| Անուն | Նվիրատվության գումարը | Ամսաթիվ |
|---|---|---|
| IMAST app | 1413 USD | August 26, 2026 |