«Շտապիր դեպի բարին» հիմնադրամը գաղափարակիցների թիմ է՝ միավորված մեկ ընդհանուր նպատակով․ ստեղծել համայնք՝ օգնելու հայ երեխաներին Հայաստանում և նրա սահմաններից դուրս: «Շտապիր դեպի բարին» բարեգործական հիմնադրամը ավելի քան 10 տարի աջակցում է Հայաստանում և նրա սահմաններից դուրս բնակվող երեխաներին՝ կրթության, առողջապահության, սոցիալական և հոգեբանական ոլորտներում: Հիմնադրամն աջակցում է առողջական խնդիրներով երեխաներին, սոցիալապես անապահով ընտանիքներին, ինչպես նաև համագործակցում է դպրոցների, մանկապարտեզների ու մանկատների հետ: Միասին մենք նրանց տալիս ենք առողջ, ամուր ու երջանիկ ապագայի հնարավորություն։